16 February, 2026
Anti-aging sahəsində yenilikləri yaxından izləmək istəyən mütəxəssislər üçün “Kosmetologiyanın Gələcəyi: Biohacking” konfransı dəyərli bir görüş nöqtəsinə çevrildi. 16 fevral 2026-cı il tarixində Baku Marriott Boulevard Hotel-də keçirilən tədbir kosmetologiya və estetik tibb sahəsində çalışan peşəkarları bir araya gətirdi.
Konfransın əsas mövzusu olan biohacking yanaşması dərinin yalnız vizual deyil, hüceyrə səviyyəsində bərpasına yönələn müasir anti-aging metodlarını əhatə edirdi. Təqdimatlar zamanı regenerasiya prosesləri, fərdiləşdirilmiş protokollar və yeni nəsil yanaşmalar haqqında məlumatlar Dr. Basso Du Pasquale, Dr. Amore Antonio Luca və Dr. Eteri Kazimovanın klinik təcrübələri əsasında, real nümunələrlə izah olundu və bu da mövzuların iştirakçılar üçün daha praktik və tətbiq oluna bilən şəkildə çatdırılmasına imkan yaratdı.
Konfrans çərçivəsində Promoitalia və VM Corporation brendlərinə aid Rich PL Advance, Exo NAD, I-Fix və V-Hacker kimi innovativ məhsullar da təqdim olundu. Məhsulların təsir mexanizmləri və tətbiq imkanları iştirakçılar tərəfindən maraqla qarşılandı.
Praktiki workshop sessiyaları isə tədbirin ən faydalı hissələrindən biri oldu. İştirakçılar məhsulların tətbiqini yaxından izləmək və suallarını birbaşa ekspertlərə ünvanlamaq imkanı əldə etdilər.
Ümumilikdə, konfrans həm yeni biliklərin paylaşılması, həm də sahənin gələcək istiqamətlərinin müzakirəsi baxımından yadda qalan tədbirlərdən biri oldu.
